قصیده عمودیه لرسول الله ص( مولد کریم ) جعفر عبدالمهدی العبادي

صافن ابصفنة خیالی او فکري طار

لن نزل برض الحجاز ایطگ قدم

هذه واحد یدفن ابنیته عجیب

وهیه تصرخ بابا والمشهد ألم

شفت ناس امسودنین ابلاشعور

لا مبادئ عدهه لا عدهم قیم

عدهم القتل او نهب کلش سهل

ماکو خوّه او لاکو الفه اولا شیم

اهنایه محد یعرف الباري الجلیل

تارسین الکعبه وإعبادت صنم

والحجیج اصفیر تصفیگ او ضجیج

عگلي داخ او کلشي ما منهم فهم

گتله ربي ارجوک رجعني اردعود

من مجیئي او قد حصل لیّه الندم

صار لیل او من صفنت اعله السماء

لن اشوفن نور شگ وجه الظُلَم

واسمعت صوت انهدم عرش المجوس

انطفت ناره او طاق کسراء انهدم

وانطرد ابلیس مایصعد سماء

والمعسکر ماله اشوفنه انهزم

گالو اصباحه انولد مولد کریم

اي محمد سید العربی او عجم

وحّد الامه او ربط بین القلوب

والدخل لاسلام من جهله سلم

والمسیره امتدت الحد ما وعیت

حد وکتنه الان والحد منختم

منتظر یظهر شبیهه المصطفیٰ

ینقذ الامه او یرف رفله العلم

*****

الشاعر جعفرعبدالمهدی العبادي